§       بقلم / مهاب سامى

    أنا عارف ان أحمد ماهر و غيره كثير هيبقى ضحية لعدم المعرفة من الطرفين .
من هو مهندس أحمد ماهر  ..هو شاب مصرى مبرمج محترف بارع فى التسويق استغل ثغرات الفيس بوك و بعض مواقع التواصل الاجتماعي لعمل أدوات تقوم بالنشر التلقائي و استخراج بيانات المستخدمين المسموحة و المخفية و قام يبيعها و تطوير أدوات برمجية لاستخدامها فى استهداف تسويق منتجات وخدمات و قام ببيع برنامجه am control لكثير من المسوقين الإلكتروني كأداة فعاله فى الاستهداف و الترويج للمنتجات وفعلا ناس كثير استفادت و فتحت بيوت . مع تحفظى على الكثير كخبير بتكنولوجيا المعلومات لانها تعتبر انتهاك للخصوصيه و بناء على ملكية فكرية ليس يمتلكها. ولكنه بارع جدا و فكره ممتازه اذا تم تقنينها وتطويرها بشكل مختلف .
بداخل مصر ..مفيش تشريعات تحمى ملكية فكرية حتى ولو كان الفيس بوك نفسة .
الدولة ال 5 سنين الأخيرة قننت ووصفت شركات تكنولوجيا المعلومات وأعطت التراخيص الأزمة ليها و لمنتجاتها و لو أحمد ماهر كان واعى للنقطة دى مكنش حصل كده .
الاختراق و استخدام الثغرات و القفز على الملكية الفكرية مجرم عالميا . وحصل تحديث لقانون مهم جدا من كام شهر ولكن طبعا احنا معندناش اى وعى بيه .
قصة أحمد ماهر هتتكرر كثير لو محصلش وعى بأهمية حماية البيانات و كيفية تداولها.
انا متأكد انه ضحية لعدم المعرفة ولكن نطالب أيضا من المشرع الإسراع بإقرار قانون التجارة الالكترونية التى أصبحت رقم 1 فى التسويق و المبيعات .
أيضا الغرفة التجارية و منظمات المجتمع المدني والشخصيات إلى فاهمه لها دور هام فى استقطاب هؤلاء الشباب و توجيه طاقاتهم إلى المصلحة العامة و تطوير الاقتصاد لأنهم قوة لا يستهان بها و تفعل وتغيير وقادره على فعل الكثير و الكثير و الكثير .....
شخصيا لو اى حد حابب اى معلومة فى المجال أنا تحت أمره و معايا فعلا ناس كثير شرف ليا مساعدتهم.
دعونا نساعدهم و تستفيد منهم بلدنا أفضل لنا ولهم .
واخيرا فان هناك  6 نقاط لحفظ الحقوق للجميع  اولها لو انت شاطر و عايز تصنع منتج وبتالى لازم تكون عبر شركة فى هذا المجال يبقى تاخد كل التراخيص اللازمة من هيئة تنمية صناعة تكنولوجيا المعلومات ومقرها القرية الذكية .
ثانيا  محدش يشترى برمجيات غير مرخصة يارب الثقافة دى تتغير بقى احنا بنعمل كل حاجه كراكات وضرب نسخ ويندوز وده بيعرضك أكثر للخطر و الاختراق. .ثوانى بس كمان إلى صنع البرمجيات دى بشر عالفكره يعنى وانت مرخص ولو مش حريص فى استخدام لجهاز الكمبيوتر و رامى صورك و ملفاتك و بيانتك فى كل حته متلومش غير نفسك لأننا أيضا بنغلط كمبرمجين سواء من أمريكا أو مصر أو أي مكان فى العالم .
ثالثا شرائك برامج مرخصة بيحميك و الشركة إلى حضرتك أشتريت منها حتى لو حصلك مشكلة ملزمة تحلهالك بقوه التراخيص. على ان النقطة الرابعة هى الDigital Marketing المارد العبقري صاحب الحلول الغير تقليدية لفتح أسواق جديدة و إنعاش خزائن شركتك لا تعبث معه و عامله بالعلم والمعرفة و قدر الاستشاريين و تعاون معهم.
والنقطة الخامسة هى البرمجيات الرخيصة برمجيات خبيثة أو مضروبة هتخسر كثير أوى بعد كده ...كل ما استرخصت فى السعر كل مخدت خدمة سيئة و عرضت بيانات للخطر والنقطة الاخيرة ان المبرمجين مهندسين و كارثتهم انهم دماغهم شغاله و أذكياء جدا و المبرمج المصرى مطلوب جدا فى كل دول العالم و هو يعتبر من أهم وظائف المستقبل و أكثرها تقديرا فى كل المجتمعات إلا مصر للأسف مش عارف ليه برضه. الناس دى تقدر تنقل شعب و بلاد و العالم كلة بفكرها ويحصل فعلا . ارجوكوا احترموهم لأنهم سيبنون المستقبل شئنا أم أبينا